Refund policy

ნივთის დაბრუნებისა და შეცვლის პოლიტიკა

კომპანიის პოლიტიკა ნივთის დაბრუნებასთან, შეცვლასთან ან თანხის ანაზღაურებასთან დაკავშირებით არის საბოლოო და მკაცრად განსაზღვრული. გთხოვთ, ყურადღებით გაეცნოთ ქვემოთ მოცემულ პირობებს შესყიდვის განხორციელებამდე.

1. ძირითადი წესი: გაყიდული ნივთი უკან არ ბრუნდება

მაღაზიაში შეძენილი ნებისმიერი ტექნიკა, აქსესუარი ან კომპიუტერული კომპონენტი (მათ შორის: კლავიატურა, მაუსი, ყურსასმენი, მონიტორი, პროცესორი, ვიდეობარათი, მყარი დისკი და ა.შ.) არ ექვემდებარება დაბრუნებას ან გადაცვლას მხოლოდ იმ მიზეზით, რომ მყიდველმა გადაიფიქრა, ნივთი ვიზუალურად არ მოეწონა, ან ვერ მოარგო თავის მოთხოვნებს.

2. ქარხნული შეფუთვის (ლუქის) დარღვევა

„მომხმარებლის უფლებების დაცვის შესახებ“ საქართველოს კანონის შესაბამისად, პროდუქცია, რომლის ჰერმეტულობა, ქარხნული სასაქონლო იერსახე ან დამცავი ლუქი დარღვეულია, არ ექვემდებარება უკან დაბრუნებას.

• კლავიატურები, მაუსები და აქსესუარები: ყუთის გახსნის, პარკის გაჭრის ან ლუქის აძრობის მომენტიდან ნივთი ითვლება გამოყენებულად და მისი დაბრუნება კატეგორიულად გამორიცხულია.

• კომპიუტერული ნაწილები: ნებისმიერი დეტალი, რომელიც ამოღებულ იქნა ანტისტატიკური ან ქარხნული შეფუთვიდან, უკან არ მიიღება.

მნიშვნელოვანი შენიშვნა: თუ ნივთს გახსნით მხოლოდ "შესამოწმებლად" ან "დასატესტად", ის ავტომატურად კარგავს სასაქონლო იერსახეს და მაღაზია მას უკან არ დაიბრუნებს.

3. გამონაკლისები, რომლებიც საერთოდ არ ბრუნდება (14 დღიანი წესის გარეშე)

კანონმდებლობის შესაბამისად, 14-დღიანი უპირობო დაბრუნების წესი არ ვრცელდება შემდეგ შემთხვევებზე:

• აწყობილი კომპიუტერები (პერსონალური შეკვეთა): თუ კომპიუტერი აიწყო მომხმარებლის ინდივიდუალური მოთხოვნით (კომპონენტების ინდივიდუალური შერჩევით), აღნიშნული პროდუქტი ითვლება პერსონალიზებულ შეკვეთად და მისი დაბრუნება/გადაცვლა შეუძლებელია.

• ციფრული პროდუქტები და ლიცენზიები: ვინდოუსის (Windows), ანტივირუსის ან ნებისმიერი სხვა პროგრამული უზრუნველყოფის აქტივაციის კოდები (Keys) დაბრუნებას არ ექვემდებარება.

• ჰიგიენური ნივთები: ყურსასმენები (განსაკუთრებით In-Ear - ყურში ჩასასმელი), გახსნის შემთხვევაში, ჰიგიენური ნორმების გამო უკან არ მიიღება.

4. წუნდებული (დეფექტური) ნივთის შემთხვევა

თუ ნივთს აღმოაჩნდა ქარხნული დეფექტი, საკითხი რეგულირდება მხოლოდ საგარანტიო პირობების შესაბამისად:

1. ნივთი იგზავნება სერვის ცენტრში დიაგნოსტიკაზე (რასაც სჭირდება კანონით დადგენილი ვადა).

2. თუ დადასტურდა ქარხნული წუნი, ნივთი პირველ რიგში კეთდება (შეკეთდება).

3. თუ შეკეთება შეუძლებელია, ხდება მისი შეცვლა იგივე ან იდენტური მოდელით.

4. თანხის დაბრუნება ხდება მხოლოდ და მხოლოდ იმ შემთხვევაში, თუ ნივთის არც შეკეთება ხერხდება და მაღაზიას არც შესაცვლელი ალტერნატივა გააჩნია მარაგში.

5. დაბრუნების პროცედურა (იმ იშვიათ შემთხვევაში, თუ ნივთი საერთოდ არ გახსნილა)

თუ ნივთი საერთოდ არ არის გახსნილი (ქარხნული ლუქი ხელუხლებელია) და მყიდველს აქვს კანონიერი საფუძველი მის დასაბრუნებლად:

• ტრანსპორტირების (მოტანის) ხარჯებს სრულად ფარავს მყიდველი.

• ნივთს უნდა ახლდეს ყიდვის დადასტურების საბუთი (ჩეკი/ინვოისი).

• ნივთის ყუთზე არ უნდა იყოს არანაირი დაზიანება, ნაკაწრი ან წარწერა.